रायपुर। छत्तीसगढ़ी फ़िल्म जगत में नवा प्रयोग अउ वास्तविक घटना मन ला रूपहला पर्दा में उतारे के कड़ी में एक नवा नाम जुड़ गे हे। वाय आर फिल्म्स प्रोडक्शन सीजी अउ गोंडवाना फिल्म्स के प्रस्तुति "द बिरनपुर फाइल्स" आने वाला 3 अप्रैल 2026 ले प्रदेश के जम्मो सिनेमाघर मन में एक साथ रिलीज होही।
संघर्ष अउ सत्य के कहानी
ए फ़िल्म के शीर्षक "ईश्वर सत्य हे" रखे गे हे, जेकर कहानी विधायक ईश्वर साहू के वास्तविक जीवन अउ ओकर संघर्ष ऊपर आधारित हे। फ़िल्म में बिरनपुर के ओ चर्चित घटनाक्रम ला घलो दिखाए के प्रयास करे गे हे, जेहा पूरा प्रदेश ला हिला के रख दे रहीस।
फ़िल्म के टीम अउ कलाकार
फ़िल्म के मुख्य सूत्रधार हेमलाल चतुवेर्दी हें, जेमन ए फ़िल्म के निर्माता होय के साथ-साथ निर्देशक, गीतकार अउ संगीतकार के जिम्मेदारी घलो निभाय हें। ओकर साथ रमेश कुमार नाग ह घलो सह-निर्माता के रूप में जुड़े हें।
कैमरा: राजकुमार बघेल
संपादन: साईं फिल्म्स
एसो. डायरेक्टर: धजू अउ विजय बावनकर
मेकअप: अंजू उराव
बीजीएम: डी आर एम स्टॉडिओ
प्रमोटर: राजकुमार चौधरी
3 अप्रैल ले परदा में
फ़िल्म के प्रचार-प्रसार जोरों-शोरों ले चलत हे। फ़िल्म प्रमोटर राजकुमार चौधरी के मुताबिक, दर्शक मन ला ए फ़िल्म में भावनात्मक जुड़ाव अउ समाज के कड़वा सच देखे ला मिलही। 3 अप्रैल 2026 के तारीख तय कर दे गे हे, जब ये फ़िल्म नवा इतिहास रचे बर छत्तीसगढ़ के सिनेमाघर मन में दस्तक देही।
Post a Comment